Eze 2 | PMA | STEP | Ahi viteni minau vit, “!Natin Adam, mea kilomal! Ekvati maselus minuk.”

Ezekiel 2

Ahi Vise Esekiel Vamai Vahi Provet Tai Onen

Esekiel 2:1-5; 33:7-9; 36:16-27

1 Ahi viteni minau vit, “!Natin Adam, ^{▼▼2:1 Ahi vise en 'Natin Adam' veni Ezekiel vi meatin enges.} mea kilomal! Ekvati maselus minuk.” 2 Ka navong mul selus minau, ninin onen mai sien nau ka rali lat nau namulomal. Evus, naraengoni kei selus eris minau vit, 3 “Natin Adam, namul nasilak keke kovaha ven me-Isrel keil. Koakeil, vatie keih ramat ka amul aviles eisile ranau. Keil asuval avu one keil telamu, keil vasi amul along seseinau mai rokol kosa ekek. 4 Vatie keih ka arvouhoutei minau. Ka avaseini amumon sakien keil ekek, nasilak kovaha keke kovahit mesen asa koa inau, Iahova, Ahi ten keihoen, ekvati mahiteni min keil. Anatin keke vatie keih ka erovattei availea selusien keil onak. Ka avaseini munak keil ilong kat selusien keil onak vuo ilong seseini, ka ekvatis availea keke provet tai mai selus min keil.

5